Passa un trenu in mess dla nott (di nonnopipo Forsa Nuara)

TUTTOmercatoWEB.com

Passa un trenu in mess dla nott, passa un trenu a vapùr,
tütt da negar vernisà che a guardal metta timùr.

Dal camìn cacià là int l'aria, dal gran füm al bufa fora,
a smea cume un lipagiòn che tra un po' l'è drè ch' al mora.

Sü cul trenu che 'l stantüfa agh nè passà da bèla gent,
sciùr mè 'l mar, un quai perdabali, e chi inveci gh hà un bel gnent,

Tüti insema sü cul trenu, che da nom al fà "desidéri"
chi l'è sveltu al salta in scima, chi 's cunsula cunt i preghieri.

L'è un trenu che da giùin al passa ben tri volti al dì !!!
e püssè che scùra al temp, at lassa lì mè un rimbambì.

Disan che l'è buna roba mai duvé vultàs indrè...
....anche se ghè spini e sass che ta spùngian cöeur e pé,

E cul trenu che fort al sübia quand al riva a la stassión,
un fiulìn, a buca verta, al trema fort par l'emussión,

cunt i öcc a l'incumpagna, fantasia e sentiment....
.....svanisa al füm...al trenu al passa..süceda tütt in t'un mument.

E as lassa indré una scia da ricord e nustalgia.....
.....che al temp la sü cul trenu as purterà par sempar via.

Nonnopipo