Nonnopipo a 'Mlogn ...

Son rivá nti sett e mesa e l'è giá ura d'andá via,
l'è passa in un mument, cume scriv 'na puesia.
Bela gent, buna cüsina, tanti amis che fann a gara,
a chi vusa pü...ssè fort al so amur par al Nuara.
Dò o tre fetti da salam, un biccier da "Damatrá",
la paniscia dl'usteria la pulenta e al brasà.
Ma la roba püsse bela l'è stai ved i giugadur,
e pudé strengiac la man l'è stai propi un grand'unur....
As parlava di anni indrera quand a gh'era l'Alcarotti
ghè stai chi n'ha cumbiná sia da crüdi che da cotti.
I püssè vecch 's ricurdarann quanta nebbia e alegria!!!!
che una volta setà giò as vüreva pü 'ndà via.
In passà ormai cinquant'anni e la ment la fa diffett,
ma par ricurdà ogni roba al Bacchetta l'è perfett,
as ricorda i furmassion, l'è una testa supraffina,
al poda dit se a piuveva o se fiuccava una mattina.
Cori, canti, imprecassion ai cüsin che i stann da dlà
anche se st'affermassion a Over mia ag piasarà.
Perchè lü al disa semp che 'd cüsin ghnà propi mia
a la disa da rabbient ma cun tanta irunia.
Grassie Tano, president, cun un cör gross mè 'na cà
anche Kennedy dal Kenia prima o pö 't ringrassierà,
quand al penserà al Nuara e a quei ad l'Alcarott,
e la vita d'un fiulín che dasi dasi as fà giuvnott !!!
Al Nuara l'è anche quest e nün suma urguglius,
Tüti insema......alé Nuara cun al cör e cun la vus !!!!

Forsa Nuara tüta la vita